L-arka ta’ Noe u l-ħmira : ir-rilevanza tal-Vanġelu għall-ġejjieni

Abstract

Nistqarr magħkom li meta qrajt l-istedina ta' Dr Sant, li qalli li għandi nitkellem fuq kif nara l-futur fl-oqsma li jikkonċernawni, ma tantx kelli ċar quddiem għajnejja x'inhu l-qasam tiegħi. Wara ftit taż-żmien intella' u nniżżel, qtajt li nitkellem xi ftit magħkom fuq kif jien nara l-futur tar-relazzjoni bejn il-Knisja u s-soċjeta'. Spiċċa ż-żmien meta noqogħdu nitkellmu biss fuq il-Knisja u l-Istat, bħallikieku dan kien l-uniku aspett interessanti. Mill-Konċilju Vatikan lI, u bis-saħħa ta' l-esperjenza li kellha l-Knisja matul dawn l-aħħar għoxrin jew tletin sena, rajna li r-relazzjoni bejn il-Knisja u l-Istat hija parti waħda, għalkemm importanti ħafna, mir-relazzjoni ħafna aktar wiesgħa u bażika bejn il-Knisja u s-soċjeta'.